Stjórn deildarinnar 2024

Anna Olsen, formaður

Anna María Þórðardóttir, meðstjórnandi

Eybjörg Hauksdóttir, gjaldkeri

Willem Cornelis Verheul, meðstjórnandi

Katrín Baldvinsdóttir, meðstjórnandi

Aðalfundur deildarinnar er  9 apríll 2025  kl. 18:00

Þjálfarar deildarinnar

Yfirþjálfari karatedeildar Aftureldingar er Willem C. Verheul  Yondan/4. dan, hann einnig er yfirþjálfari karatedeildar Fjölnis.

Aðrir þjálfarar :

Snæbjörn Willemsson Verheul Sandan/3. dan, Anna Olsen,Nidan/ 2. dan,  Þórður Jökull Henrysson Nidan/2. dan.  Gunnar Haraldsson, Nidan/2. Dan, Elísa Rún Róbertsdóttir shodan ho, Kristíana Svava Eyþórsdóttir 1.Kyu

Æfingatímar

Karatedeildin er með æfingatíma alla daga vikunnar. Uppsetning á æfingatímum er þó með svipuðu sniði og sl. ár, þ.e. æfingar fara fram seinni part dagsins, yngstu iðkendur byrja og þeir elstu eru fram á kvöld.  Byrjendatímar eru kl. 17:15 – 18:45 á mánu – og miðvikudögum. Afreksæfingar eru til skiptis í Egilshöll og Varmá á mánudögum með iðkendum Fjölnis .

Hópaskiptingar æfingaárið 2023-2024

Byrjendahópur –  5-11 ára

Framhald – yngri, 6-8 ára, blönduð belti

Framhald – eldri,  9-12 ára, blönduð belti

Framhald – unglingar, 11-15 ára, há belti

Fullorðinshópur – 16 ára og eldri

Afrekshópur – iðkendur sem einbeita sér að keppni, gráðun ofl. Yfirþjálfari velur í þennan hóp.

Fjöldi skráðra karateiðkenda í deildinni eru u.þ.b. 58 flestir eru á aldrinum 5 – 15 ára.

Ný byrjendanámskeið voru auglýst í ágúst 2024 fyrir 5-11 ára. Ánægjulegt var að sjá 1 nýja iðkendur í yngri hóp 5-7  ára og þar af 2 stelpur. Aðeins færri byrjendur eru í eldri hóp eða 7, skemmtilegir og áhugasamir krakkar.

Íslandsmeistaratitlar og aðrir titlar í karate árið 2024

Eftirfarandi titlar hafa unnist

Íslandsmeistarar

– Þórður Jökull Henrysson        1. sæti –  Senior, Íslandsmeistari, 5 ár í röð einstakt afrek

-Hópkata lið Alex,Kristíana og Róbert   1 sæti 12-13 ára

– Alex Bjarki Davíðsson               1 sæti 12 ára pilta

-Robert Matias Bentia               2 sæti 12 ára pilta

-Eva Jónína Daníelsdóttir          1 sæti 12 ára stúlkur

-Elín Helga Jónsdóttir                 1 sæti 13 ára stúlkur

-Kristíana Svava Eyþórsdóttir   2 sæti 13 ára stúlkur

-Anhelina Bobokal                       3 sæti 9 ára stúlkur

-Kristmundur Örn Ingason         2 sæti 7 ára og yngri pilta

Bikarmeistarar

– Þórður Jökull Henrysson        1 sæti –  Senior , 3. árið í röð

GrandPrix meistarar

– Robert Matias Bentia              1 sæti  13 ára piltar

– Alex Bjarki Davíðsson              2 sæti 13 ára piltar

– Eva Jónína Daníelsdóttir         1 sæti  13 ára stúlkna

– Kristíana Svava Eyþórsdóttir  2 sæti  13 ára stúlkna

Reykjavíkurmeistarar

-Þórður Jökull Henrysson       1. Sæti Senior, 3 árið í röð

-Eva Jónína Daníelsdóttir        1 sæti U14 stúlkna

-Kristíana Svava Eyþórsdóttir 2 sæti U14 stúlkna

-Róbert Matias Benita              1 sæti U14 pilta

Árangur  og verkefni Þórðar Jökuls með Landsliðinu í Kata

• Norðurlandameistaramót – brons í kata karla (kata male senior). Þetta er besti árangur Íslendings í þessum flokki í 25 ár, en Íslendingur komst síðast á pall í kata male senior árið 1999 (Vilhjálmur Svan Vilhjálmsson).
• Evrópumót smáþjóða í Mónakó – brons í kata karla (kata male senior). Fyrri árangur Íslands í þessum flokki er að Þórður vann gull árið 2022, og árin 2019 og 2018 vann Aron Ahn brons í flokkinum.
• Evrópumót fullorðinna í Króatíu – þátttaka (kata male senior).
• Heimsbikarmót fullorðinna, series A Larnaca – þátttaka (male senior kata).
• Heimsbikarmót fullorðinna, series A Salzburg – þátttaka (male senior kata).
• Copenhagen Open – silfur í kata male senior (stórt og sterkt mót).
• Lissabon Open – 5. sæti í kata male senior (tapaði bardaganum um bronsið, stórt og stekt mót).

Þórður var valinn karatemaður ársins 2024

Annað:  Þórður er í  221.  sæti á heimslista í  male kata af 300 aðilum sem eru þar.

Félagsstarf og starfsemin árið 2024

Árið 2024 gekk vel, ekkert alvarlegt kom upp og starfsemin með hefðbundnu sniði.  Mót voru haldin sem okkar afreks iðkendur tóku þátt í með góðum árangri.  Beltagráðun var haldin með sama sniði og vanalega. Karatedeild Aftureldingar er með 4 Kata dómara og 2 Kumite dómarar sem mæta á flest öll mót. Þeir eru : Anna Olsen, Þórður Jökull Henrysson, Elín Björg Arnarsdóttir, Gunnar Haraldsson, Þórður og Elín eru bæði með Kata og Kumite réttindi.    Í desember 2024 var Þórður Henrysson valin íþróttamaður karatedeildarinnar og tilnefndur til íþróttamanns Aftureldingar. Hann hefur hlotið þann titil síðastliðin ár, en hneppti ekki titilinn í ár.  Hann fékk einnig viðurkenningu fyrir þátttöku sína í Landsliðsverkefnum. Við sendum ekki inn tilnefningar til Íþróttamanns Mosfellsbæjar 2024 þar sem Þórður er ekki búsettur í Mosfellsbæ þó að Afturelding hafa alla tíð verið hans félag.

Við gerum líka eitt og annað okkur til skemmtunar, boðið var uppá skemmtilega stund í Vallarhúsinu við spilamennsku þar sem flestir iðkenda og foreldra mættu. Á Öskudaginn mátti mæta í Öskudagsbúningum á æfingu, það vekur alltaf lukku og við bættis Hrekkjavökudagurinn.  Hann endaði óvænt þar sem rafmagnið fór af húsinu og kom ekki á fyrr en mörgum tímum síðar.  Við þurftum því að fella niður æfingar það sem eftir var dags, en þetta var óneitanlega bónus, að þurfa að þræða sig í gegnum íþróttahúsið með ljósin frá símanum sem einu lýsinguna.

Í byrjun haustannar þegar byrjendur voru að koma á sínar fyrstu æfingar ræddi Anna lauslega við foreldra og sagði frá því mikilvægasta.  Foreldrafundur var haldinn í byrjun annar fyrir foreldra byrjenda, þar sagði Willem yfirþjálfari frá íþróttinni og fyrirkomulagi æfinga.  Við gátum boðið foreldrum barna í byrjendahóp að mæta á æfingu með þeim til að kynnast íþróttinni örlítið.  Það er alltaf gaman og kemur foreldrum mest á óvart að þetta er ekki eins auðvelt og það lítur út fyrir að vera.   Við fórum í jólafrí í 13 desember. Reynslan  hefur kennt okkur að mæting á æfingar verður minni og minni í desember, þvi það er mikið um að vera í skólunum.

Aðstöðumál

Aðstaða deildarinnar er góð, en alltaf er hægt að bæta. Þakið lekur fyrir ofan speglana og við höfum bent á það en ekkert gerist. Eftir að skrifstofa Aftureldingar kom á hæðina bættist við langþráð salernisaðstaða á hæðina sem er mjög mikið notuð ma af fimleikadeildinni, oftast  bíð að komast á hana.   Enn erum við að kvartað undan þrifum og hita/kulda í salnum. Þrifin á salnum eru komin í  ágætis horfi, en miðað við notkun á salnum mætti gera betur.  Salurinn er notaður undir danskennslu fyrir Varmárskóla.  Það sem okkur finnst alltaf jafn skrítið er að aðstaðan sé lánuð út algjörlega án okkar vitundar eða samráðs.  Ekki er passað uppá að þeir sem nota salinn virði umgengnisreglur.  Allt of oft var verið að koma að salnum ólæstum og óviðkomandi að þvælast þar.  Það er eins og þessi hæð sé félgasmiðstöð á daginn og umgengnin eftir því.

Deildin hefur verið að bæta við búnað sinn reglulega og keypt ýmis smá áhöld til að auka við fjölbreytni á æfingum.

Beltapróf og Kobe Oskaka International

Yfir æfingaárið eru haldin þrjú beltapróf. Æfingaárið skiptist í tvær annir og eru beltaprófin í desember, mars og  apríl/maí. Iðkendur greiða ekki sérstaklega fyrir beltaprófin en þeir fá viðurkenningarskjal, strípur á belti eða fara upp um heilt belti á prófum. Stjórn deildarinnar hefur selt iðkendum belti.

Karatedeildin varð „full member“ hjá Kobe Osaka International (KOI) þegar árgjaldið var endurnýjað 2015. Karatedeildin hefur verið aðili að KOI frá 2005 og frá upphafi var það markmið deildarinnar að verða fullgildur aðili.  Í því felst að sensei Steven Morris gráðar iðkendur a.m.k. einu sinni á ári en það gefur deildinni og iðkendum hennar ákveðna gæða einkunn. Allir, sem þreyta próf hjá Morris, fá viðurkenningarskjal frá KOI.

Mosfellsbær   16 mars 2025

f.h. karatedeildar Aftureldingar

Anna Olsen